2019 йил 5 февраль куни буюк аллома  Алишер Навоий таваллудининг  578 йиллигига бағишлаб  Навоий вилоят  Ахборот ресурс марказида    “Навоийни ёд этиб…”  кўрик-танловининг вилоят босқичи бўлиб ўтди.

Танловни ўтказишдан мақсад вилоят, туман, шаҳар АРМ ходимлари ўртасида улуғ шоир ва мутафаккир Алишер Навоийнинг бой адабий меросини тарғиб этишни кенг йўлга қўйиш , Навоий асарларининг мазмун моҳиятини, бадиий хусусиятини ва тарбиявий  аҳамиятини ўқувчилар ҳамда  фойдаланувчилари  онгига қай даражада етказиб  бераётганлиги ҳамда улуғ шоир таваллуд  топган куннинг 578 йиллигини юксак савияда нишонлашни ташкил этишдан иборат бўлди.

Кўрик танловда  8 нафар туман Ахборот ресурс марказлари ходимларидан   қатнашишди.

Иштирокчилар  5 та шарт бўйича беллашдилар.

1 шарт. Алишер Навоий  ҳақидаги энг кўп маълумот: Бу шартда 5 дақиқа вақт ажратилди.

2 шарт. Алишер Навоий  асарлари  юзасидан савол-жавоб.

3 шарт. Алишер Навоий ғазалидан  ифодали ва тўлиқ айтиш.

4  шарт. Баҳру-байт.

5 шарт. Саҳна кўриниши.

Ушбу кўрик-танлов буюк мутафаккир шоир Мир Алишер Навоий ҳаёти ва ижодини ўрганиб, кенг китобхонлар оммасига етказишда муҳим восита бўлиб хизмат қилди.

Кўрик танловда  Кармана туман  Ахборот-ресурс маркази ходими Бўтаева Хабиба 86 балл билан 1-ўринни, Конимех тумани Ахборот-ресурс маркази ходими Базарбоева Айзода 84 балл йиғиб 2-ўрин ва Қизилтепа туман Ахборот-ресурс маркази ходими Қаюмова Ойгул 3-ўринни эгаллашдилар ва диплом ҳамда эсталик совғалари билан тақдирландилар.

Кўрик-танловда 90 нафар китобхонлар  Навоий қолдирган бебаҳо маънавий меросдан баҳраманд бўлишди.

Баёнлаштирди:

Вилоят АРМ ходими:                                             Н.Сувонова

Кармана туман АРМ раҳбари:                               Х.Негматова

АРМ ходими:                                                          Н.Назарова

2019 йил 30 январь куни Биринчи Президентимиз Ислом Абдуғаниевич Каримов ҳаёти ва фаолиятига бағишланган фильмлар намойиш этилди. АРМ ходимлари Сапарова Г хамда Хамидова К.лар   ўқувчиларга Ўзбекистон Республикаси биринчи Президентимиз Ислом Абдуғаниевич Каримовнинг мамлакатимизнинг ўз давлат мустақиллигини қўлга киритиш арафасида ва ундан кейинги дастлабки ойларда олиб борган жўшқин  ва серқирра сиёсий- ижтимоий  фаолиятини акс эттирган, “Ўзбекистон мустақилликка эришиш остонасида” деб номланган  китоби ҳақида ҳам маълумот бериб ўтишди. Халқ қалбидан мангу жой олган Ислом Каримовнинг она Ватанимиз мустақиллиги, эл-юртимиз равнақи йўлидаги улкан тарихий хизматлари ҳақидаги фильмни ўқувчилар катта қизиқиш билан кўришди.

Китобхонлар  томонидан Биринчи Президентимиз  Ислом Абдуғаниевич  Каримовнинг  ҳикматли сўзлари , таржимаи ҳоли айтилди ва китобхонлар ўз фикрларини билдиришди.

Тадбирда 18 нафар ўқувчилар  қатнашишди.

Баёнлаштирди:

АРМ ходимлари:                                                        Г.Сапарова

К.Ҳамидова

Л. Рузиева   

2019 йил 22 январь куни  Кармана туман Ахборот-ресурс марказида  “Маърифат тарқатувчи она” вилоят кўрик-танловининг туман босқичи ўтказилди.

Кўрик-танловда  “Ёшлик” МФЙ дан Холлиева З., Тўхтаева М., Жахонова М., “Наврўз” МФЙ дан Арипова З., “Боғишамол” МФЙ дан Ахмедова Г. қатнашишди.

Танловда ўзининг зукколиги, билимдонлиги билан ажралиб турган ва маърифат тарқатувчи деб топилган оналар  иштирок этишди ва танлов шартлари бўйича қуйидагича баҳоландилар:

1. Холлиева Зебо — 54 балл
2. Тўхтаева М.– 45 балл
3. Арипова З.- 79 балл
4. Ахмедова Гулрух- 85 балл
5. Жахонова М. — 36 балл

Барча шартларни аъло даражада бажариб, энг юқори балл тўплаган     Ахмедова Г.  ҳайъат аъзолари томонидан ғолиб деб топилди.  Фаол  иштирок этган  Жахонова М.  “Зиё таркатувчи она” , “Энг яхши китобсевар она” номинацияларини  олишди.

2018 йил 7 январь куни “Қувончимсан, мақсадимсан қишки таътилим” шиори остида Худойберди Тухтабоевнинг “Сарик девни миниб” саргузашт романи юзасидан   ўқувчилар билан сахналаштирилган театр намойиши ташкил этилди. “Узбекистон халк ёзувчиси, болаларнинг севимли адиби Худойберди Тухтабоевнинг асарлари нафакат республикамизда, балки чет элларда хам маълум ва машхурдир. Кулингиздаги “Сарик девни миниб” саргузашт романи болалар хаётидан олиб ёзилган булиб, уларнинг севимли китобларидандир. Бу асарда орзу-хавасга элтадиган чинакам йул халол мехнат, яхши хулк-одоб ва кунт билан укишда эканлиги таъкидланади ” –деган сўзлар билан АРМ ходими Бутаева Х. маълумот бериб утди.

5-синф ўқувчилари фаол қатнашишди. Укувчилар ролларни махорат билан ижро этишиб, барча иштирокчиларнинг олкишларига сазовор булишди.

Тадбирда 17 нафар китобхонлар фаол қатнашишди.

”Konstitutsiya-adolat  manbai va mezonidir”  nomli tadbir  bo`lib o`tdi.Tadbirni 11-umumiy o`rta ta’lim maktab O`IBDO` M.Ro`zimurodova 2018 yil 7-dekabr   kuni  11-umumiy  o`rta ta`lim maktab bilan   hamkorlikda   kirish so`zi bilan ochib berdi . U o`z so`zida  O`zbekiston Respublikasi  Konstitutsiyasining  xalqimiz hayotida tutgan o`rni  va uning naqadar kuchli qonunchilik   asoslariga ega ,puxta ishlangan  qonunlar majmuasi ekani  haqida so`z yuritdi.

ARM xodimi Qudratova D. tomonidan  mamlakatimiz  iqtisodiy , siyosiy va ijtimoiy taraqqiyoti uchun xizmat qilayotgan  bosh Qomusimizning qadr-qimmati  hamda unda belgilab  quyilgan inson huquqlari  va burchlari haqida ma’ruza qildi.

Maktab o`quvchilari tomonidan tayyorlangan  chiqishlar , she’rlar,  vatanni tarannum etuvchi  kuy-qo`shiqlar ko`pchilikka manzur bo`ldi .O`quvchilar O`zbekiston   Respublikasi  Konstitutsiyadan moddalar aytishdi va 6 ta bo`lim bo`yicha ma’lumotlar berildi. O`quvchilarni  tabriklash  uchun ARM yetakchi kutubxonachisi Bo`tayeva H.so`zga  chiqib,  bolalarga  va o`qituvchilariga  tashakkurnoma   e`lon   qildi. Tadbirda 45 nafar o`qituvchi va o`quvchilar qatnashishdi.

Karmana tuman Axborot-resurs markazida 2018 yil  5 noyabr kuni   atoqli davlat arbobi Sharof Rashidov tavalludining 100 yilligiga bag`ishlangan Asil Rashidovning “Akam haqida” nomli xotira-risolasi taqdimoti bo`lib o`tdi. Taqdimot  3 parametr asosida olib borildi.

1.Sharof Rashidovning hayoti va ijodi haqida qisqacha ma’lumot.

2. Sharof Rashidovni xotirlab.
3. Sharof Rashidov asarlaridan  namunalar.

11-umumiy o`rta ta’lim maktab  ona tili va adabiyot fani o`qituvchisi:                        Axmedova G. kitob taqdimotini ochib berib, tushuncha berib o`tdi: “Yigirmanchi asrda Sharof Rashidov nomi o`zbek xalqining ramzi bo’lib yangradi.Jahon uni atoqli  adib, yirik davlat  va jamoat arbobi sifatida tan olgan edi”.

O’quvchilar tomonidan Sharof Rashidovning hayoti va ijodi haqida ma`lumot berildi.Asar yuzasidan 6-“A” va 6-“B” sinf o’quvchilari qisqa-qisqa satrlar o`qib berishdi.

Kitobxonlar adibning «G’oliblar»,  «Bo‘rondan kuchli»,  «Qudratli to‘lqin” romanlarida   urushdan   keyingi   O’zbekiston   xalqini, tiklanish yillaridagi mehnat jasoratlari badiiy ifodasini topganligini aytib o`tishdi. Ijodkorning  «Kashimir qo‘shigi», «Komde va Mudan” kabi    lirik  qissalari    an’anaviy    Sharq    dostonchiligi uslubida bitilgan bo‘lib, yoshlik, bahor, go‘zal hayot nashidasi madhiga bag‘ishlangan.

Kitobxonlar adib haqidagi tushunchalari, fikr mulohazalarini yanada mustahkamladilar.

O’quvchilar tomonidan Sharof Rashidovning hayoti va ijodi yoritildi.

Faol kitobxonlar adibning she`rlaridan namunalar ijro etishdi.

O`quvchilar xotira-risolaga har tomonlama yondashdilar. Tahlil qildilar, to`laqonli  ochib berishga harakat qildilar.

O`quvchilar bilan kutubxonachi tomonidan savollar orqali fikr- mulohaza almashdilar.

Tadbirda 25 nafar faol kitobxonlar qatnashishdi.

Bayonlashtirdi:

11-umumiy o`rta ta’lim maktab

ona tili va adabiyot fani o`qituvchisi:                          Axmedova G.

ARM metodisti:                                                                      Nazarova N.

ARM yetakchi kutubxonachi:                                         Bo’tayeva H.

O’zbekiston Respublikasi  Prezidentining 2017-yil 13 sentabrdagi PQ- 3271-sonli qarorida ko`rsatilgan vazifalarni bajarishni  ta’minlash, ta’lim sifati va samaradorligini oshirishga qaratilgan vazifalar ijrosini ta’minlash maqsadida  “Kitob- tafakkur gulshani» ko`rik-tanlovining hudud bosqichlari o`tkazildi. Ko`rik-tanlovda tuman umumta’lim maktablarining 7-8-9-sinf o`quvchilari (har bir jamoada 5 nafar)dan ishtirokchi ishtirok etishdi.

Ko`rik-tanlov ishtirokchilar  hakamlar  hay’ati tomonidan 5 ballik baholash mezoni bilan baholanishdi.

Jaloir hududida o`tkazilgan bosqichda 21- maktab jamoasi g`oliblikni qo`lga kiritdi.

Karmana hududi bo`yicha o`tkazilgan hududda 1- maktab jamoasi g`oliblikni qo`lga kiritdi. Ushbu jamoalar tuman bosqichida ishtirok etish uchun yo`llanmani qo`lga kiritishdi.

Hudud bosqichlari davom etmoqda.

2018- yil 19-oktyabr kuni Karmana tuman Axborot resurs markazida “ O`z qadrini  bilgan, til qadrini biladi”  nomli tadbir bo`lib o`tdi.      Mana bugun biz ona tilimiz – o`zbek tiliga “Davlat tili maqomi” berilgan sanaga 28 yil   to`lgani munosabati bilan yig`ilib turibmiz.         Ma`lumki,  jamiyat a`zolari orasidagi aloqaning eng muhim turlaridan biri so`zlashish, bir-biri bilan fikr almashishdir. Agar kishilar o`zaro fikr almasha olmasalar, jamiyat bo`lib yashay olmaydilar. Jamiyat a`zolarining o`zaro so`zlashishlarini ta`minlovchi vosita bu-tildir.Mustaqilligimiz tufayli o’z Qomusimizga, madhiyamizga, bayrog’imizga ega bo’lindi.O’zbekiston Respublikasi Konstitutsiyasining 1-bob 4-moddasida “O’zbekiston Respublikasining Davlat tili o’zbek tilidir” deb belgilab qo’yilgan.

Davra suhbatini ochib berish so`z 11-umumiy o`rta ta’lim maktab  ona tili va adabiyot fani o`qituvchisi Mirzayeva Yu. ga berildi .

11-umumiy o`rta ta’lim maktab  ona tili va adabiyot fani o`qituvchisi No`monova F. o`z fikrini bildirib shunday dedi:“ Hazrat Navoiy tilning mazmuniga, ifodasiga alohida e’tibor bergan. Zero, har bir til o’z millati uchun aziz. Shu jumladan, o’zbek tili ham o’zbek xalqi ruhiyatini, g’ururini kimligini anglatish imkonini beruvchi jozibali, serqirra va boy tildir”.

Til haqidagi xalq maqollari va hikmatli so’zlarni  8-B sinf o’quvchilari aytishdi va ularga izoh berib o`tishdi.

O’quvchilar tomonidan “O’zbekiston” raqsi va “Vatanim” qo’shig’I ijro etildi.Tadbirni yakunlash uchun so`z MMIBDO` M.Ro`zimurodovaga berildi.  54 nafar kitobxonlar ishtirok etishdi.

2018 yil 28 sеntyabr kuni  Karmana tumani Axborot-rеsurs markazi

11-umumiy o`rta ta’lim maktabi bilan hamkorlikda “Sizdan boshlanadi asli tafakkur, ustoz muallimlar, sizga tashakkur!”  mavzusida  badiiy-musiqiy kеcha  o`tkazildi. Ustozlar va murabbiylarga bag`ishlangan kitob ko`rgazmasi chiqarildi. Tadbirni  11-umumiy o`rta ta’lim  maktab dirеktori Boliеv F.T. tabrik so`zi bilan ochib bеrdi. Tadbirda mahalla fuqorolari, faxriy o`qituvchi murabbiylar  hamda faol o`quvchilar yig`ildi.Tabrik so`zi maktabning faxriy o`qituvchilariga bеrildi va ularning dillaridagi so`zlariga quloq tutildi.Faol o`quvchilar tomonidan xadislardan aytildi.O`quvchi yoshlar o`zlarining yod olgan shе’r, qo`shiq , xandalar va jozibali raqslar bilan tabriklashdilar.

11-umumiy o`rta ta’lim  maktabning gеografiya fani o`qituvchisi Ro`zyiеv M.  So`zga chiqib, o`z fikrlarini bildirdilar: ”Farzandlarimizga ilm-ma’rifat ulashuvchi, yaxshilik va yomonlik, ma’rifat va jaholat ezgulik va yovuzlik,  foyda va zarar xullas, ikki qutbli jamiki tushunchalarni ular ongiga singdiruvchi siz ziyolilar hayotda kam bo`lmangiz. Sizlar haqqingizda biz shogirdlar qalbida faqat iliq xotiralar yashaydi.”

1-4-sinf oq`uvchilari tadbirning faol ishtirokchilari bo`lishdi.

Tadbirda faxriy o`qituvchilar, maktab o`qituvchilaridan va o`quvchilaridan  95 kishi    ishtirok etishdi. Kеcha qiziqarli va maroqli o`tdi.

2018 йил 6 февраль куни буюк аллома  Алишер Навоий таваллудининг  577 йиллигига бағишлаб  Навоий вилоят  Ахборот ресурс марказида    “Навоийни ёд этиб…”  кўрик-танловининг вилоят босқичи бўлиб ўтди.

Танловни ўтказишдан мақсад вилоят, туман, шаҳар АРМ ходимлари ўртасида улуғ шоир ва мутафаккир Алишер Навоийнинг бой адабий меросини тарғиб этишни кенг йўлга қўйиш , Навоий асарларининг мазмун моҳиятини, бадиий хусусиятини ва тарбиявий  аҳамиятини ўқувчилар ҳамда  фойдаланувчилари  онгига қай даражада етказиб  бераётганлиги ҳамда улуғ шоир таваллуд  топган куннинг 577 йиллигини юксак савияда нишонлашни ташкил этишдан иборат бўлди.

Кўрик танловда вилоят Ахборот ресурс маркази ходими ва 9 нафар туман Ахборот ресурс марказлари ходимларидан   қатнашишди.

Иштирокчилар  3 та шарт бўйича беллашдилар.

1 шарт.Ўзини таништириш: Бу шартда 5 дақиқа вақт ажратилди.

2 шарт. Алишер Навоий ғазалларидан ёддан ифодали айтиш.

3 шарт. Алишер Навоий асарларидан  саҳна кўриниши

Ушбу кўрик-танлов буюк мутафаккир шоир Мир Алишер Навоий ҳаёти ва ижодини ўрганиб, кенг китобхонлар оммасига етказишда муҳим восита бўлиб хизмат қилди.

Кўрик танловда Навоий вилояти Ахборот-ресурс маркази ходими Ашурова Хуршида 1- ўринни, Навбаҳор тумани Ахборот-ресурс маркази ходими Олтинова Моҳидил 2-ўрин ва Кармана туман Ахборот-ресурс маркази ходими Қудратова Дилбар 3-ўринни эгаллашдилар ва диплом ҳамда эсталик совғалари билан тақдирландилар.

Кўрик-танловда 178 нафар китобхонлар  Навоий қолдирган бебаҳо маънавий меросдан баҳраманд бўлишди.